و
مساعد الرشيدي
والبداية مع الشاعر المبدع حمود البغيلي حيث قال:
يا مساعد ربيع اضحـك لاتزعلنـي
خلك أليا شفت وجهي يضحك حجاجك
لك الشرف يـوم أمثلـك وتمثلنـي
يا بحر يا للي يضيع الجيش بأمواجك
أصير لـك لقمـة لا جعـت تأكلنـي
وليا ذبحك الظمأ با أ صيـر هداجـك
أبيك لا ضاق صدرك مـا تجاملنـي
أحب أنا راحتك ما أحب أنا إزعاجـك
خذني معك فـي سمـاك ولا تنزلنـي
خل المسافة تحن لشـوف ميراجـك
وان شفتني طحت مد ذراعك وشلني
طرزني نجـوم ليـلٍ عزهـا تاجـك
وان شفتني ملت صححني وعدلنـي
حتى ولو كنت أجيب النور لإحراجـك
تراي ثـوب علـى كيفـك تفصلنـي
تسلمـه هامـة التاريـخ لأبراجـك
جادلت ناسٍ على شانـك تجادلنـي
وخليتها يوم فـاح الجـدر تحتاجـك
خذ هالقصيدة رجـاءً بـس ناولنـي
بيتين شعر جميـلات مـن انتاجـك
وجاء رد الزعيم الشاعر: مساعد الرشيدي بقصيدة زاخرة بالشعر
يا حمود كـل الليالـي مـا تذللنـي
لوجيت يا حمود طيب وكنت محتاجك
علمي بصوتك مطر وشموس تغسلني
ياما حلا في نفاه العمـر مسهاجـك
لو في عيونك من الغيـرة تجاهلنـي
يكفيني إني كسرت الليـل بسراجـك
أخاتـل الليـل ليـن انـك تظللنـي
يا عزوتي واجلد الظلمـا بكرباجـك
أنا رفيـق العـزوم اللـي تجملنـي
الله يحييك طبـت وطـاب منهاجـك
وان جادلك ناس عن فجرٍ تزهملنـي
مد الرهـاوي بمدخالـك ومخراجـك
وان بح صوتي وشفت الحمل مزملني
اركيت كفي على الشامخ من سياجك
قم شرع الباب للهقـوات وازهلنـي
تبي تزين العلوم ويضحك حجاجـك
أما دروبٍ ورى الحـروه توصلنـي
وإلا عليك السـلام وعـوّد ادراجـك
09-Feb-2010, 08:43 AM
من أروع المساجلات بين أروع الشعراء×× خاص للعز ساسي ×× 
المواضيع المتشابهه 
![Array
[add_to_xs_reputation]](http://www.lmsaaat.com/upload/uploads/images/lmsaaat-1fb4219a72.gif)
